Here's a Random Post for your lazy bums!

Tuesday, August 23, 2011

Betiyaan!

I don't know why, but I am a little embarrassed to share this piece with people so kindly be gentle. :)

Mitti se panapte paudhe ko 
jab dil se lagaya kirno ne
Kya samjha tha wo nanhi jaan
Ki jaan hai choti seene mein.

Jab kadam rakha iss duniya mein
Toh khabar na thi us chidiya ko
Ki aaj hai thaame haath jisne
Wo pankh laga ke udaa degi.

Jis beti ko kabhi Lakshmi kaha
Uski dharti nahi, na aasma hai
Ik din usko toh jaana hai
Ik anjaane ke raahon mein.

Maati ki banno kya jaane
Koi apna kahe toh wo maane.
Sab usko dharohar kehte hain,
Wo haath kisi ka kya thaame?

Mann mein sapno ki baati liye
Wo phirti hai har gaon mein
Koi toh bata de dagar use
Wo jag se parayi keh laye.

Ik reet purani kehte hain
Beti ko patang si kehte hain
Jab haath lage toh patjhad mein
patte ki tarah jhad jaati hai,
Wo sabse alag ho jaati hai.