Aaj Phir..

Saalo baad Aaj phir

Tumhari yaad aa Gayi.

Shakl toh ab dhundhli hai

Par baat yaad aa Gayi.

Rail gaadi mein baith kar Aaj

Phir wo raat yaad aa Gayi,

Nayi nayi thi aas tumhari

Wo dil ki tees yaad aa Gayi.

Uss raat ko upper berth par

Tumse door hone ka ehsaas tha.

Na Internet tab tha,

Na phone mera smart tha.

50 Rupaye ke aakhri recharge par

Ummeed meri jaag Gayi.

Wo raat humne yun hi

SMS mein bita di.

Saalo baad Aaj phir

Upper berth par leti hoon.

Achanak tumne jo khayi thi

Wo kasmein yaad aa Gayi.

Mann ki sooni galiyan

Aaj phir jagmaga Gayi.

Tumhari awaaz toh ab dhyaan nahi

Par usme bhare pyaar ki yaad aa Gayi.

Tumse hue lagav, tumhare aitbaar ki yaad aa gayi

Aaj ek baar phir, wo raat yaad aa Gayi.